Jun 23, 2010

كلام


وكأنى استحرمت الكلام

لما كنت بتكلم

كنت مفكرة الكلام كلام من قلب طالع لقلب يعلم

وميمشيش كده زى الى فى الريش بقشيش

بس يبقى حاجة تبقى مهما بقينا

يفضل دايما أحلى كلام

وأدينى دلوقتى مستحرمة الكلام

لما كنت مفكرة أن قلبك سكره

هيطبطب عليا وقت ما أحتاج طبطبة

بس يا حرام

كل دى أوهام

أصل أتارى الكلام كلام

كلمة كلمة تعمل كلمات

زى السكر نبات

طعمها حلو ... تدوب وتسيب أثر

بس فى الآخر كلمات

ودابت مع الزمن

2 comments:

Anonymous said...

ماشي بس في كلام ميتنسيش كلام حلو من زمان بس بيعيش والي يحبك في كل لحظات حياتك مايسبكيش في فرحك معك وهمك معك ويشيل عنك ومتحسيش هو دا الحب ولا انت متعرفيش ادام عنيكي الحل بس انت عامله مابتشفيش سلميها لله هتلاقي طريق لنهايه سعيده وميتوهكيش بس اهم حاجه دوري علي الي يحبك بجد ميخدعكيش الحب مزاد مين هيتنازل اكتر مش اضحي بيك عشان اعيش

Anonymous said...

كلام جميل بس حزين ياريت تنسي كل حاجه افتكر نفسك بس هو دا الي هيفضلك وعرف لا اتأكد ان ديما في ناس بتحبك وكل حلمها واملها انها تشوفك سعيد