10/27/2009

لم يكن لها

أحبها
وعاش لحبها
أعطاها من عمره ما لم يكن لها
وهبها من احلامه ما تمناه بها
وأغمض جفناه عليها
ليدفأها من بردها
وصنع من يداه وساده كى ترتاح عليها
وأخفاها فى قلبه حفاظا عليها
وعاشت معه طفلة تجرى
وهواها فى دمه يسرى
فجاء يوما ووقرر ان يقول لها
بما فى قلبه يكنه لها
وسألها وتوقع فرحة قلبها
فأجابته بأنه لم يكن سوى صديقها
ولم تفكر يوما فيما يقوله لها
فذهب وذهبت وفكر وتركها
فشعر بالوجع يدمر قلبه
والآلام تفسد أحلامه
فقرر بعد طول الوقت أن يعود لها
بعد أيام عاد وسألها
وتوقع الفرحة فى ردها
فأجابته بأنه لم يكن سوى صديقها
فدمره جرحها
وعاد وتركها
ومضت الأيام به وبها
وشعرت بما كان يفعله لها
وكيف ان هواه قد غير بها
من حياه وأفكار وهوى
وقررت أن تبوح له
بما يكنه قلبها
وبعد طول الوقت
ألتقيا
فسألته
وهى تتوقع فرحة رده
إن كان مازال ينبض بقلبه حبها
فأجابها بأنه لم يعد لها
أصبح هواه لغيرها
فعادت وسألته ماذا وجدت بها
حتى تنسانى وتسعى لحبها
فقال لها
وجدت فيك القسوة وما وجدتها فى حبها
معك كان أنين قلبى ومعها متعة حبها
معك كانت آلامى ومعها وجدت دواءها
أعطتنى من حبها وروحها وإحساسها
ما عجزت أن أعطيه لها
بعد أن محوتى ما بداخلى من هوا
فلملمت جرحى بها
وداوتنى أحلامها
تحملت جرحى بصبرها
وأحيت ما كان قد مات من هوى قبلها
وكيف لى ألا أحبها
وهى التى أشعلت بداخلى حبها
وزادت من حبى لها
وقد وعدتها
بأنى أكون لها
فأنتى لم تكونى سوى صديقتى


10/26/2009

هذا الجيل

منذ بضعة أيام وجدت ابى جالسا على جهاز الكمبيوتر الخاص بى
يسلى نفسه بأحد ألعاب الورق المعتادة - صباح الروقان
فسألته أن يعجل فأنا فى حاجة إلى الكمبيوتر - قال يعنى ورايا الديوان
فأجابنى بمجرد ان ينتهى الدور
قلت له سأنتظر بجانبك
فجلست فى ملل أشاهد أداءه وهو يلعب
كان يقوم بالحركات بعد تفكير - مش فاهمة ليه كل ده ف حركة ورقة كوتشينة
يا والدى العزيز كان من الممكن أن تحركها هكذا أفضل من تلك الحركة التى قمت بها
فيجيبنى ببساطة شديدة بأنه ليس لى دخل فيما يؤديه
فأنتظر لأرى نتيجة حركاته للأوراق
فأجده بعد التفكير يقوم بأداء حركتين أو ثلاثة وبهم ينهى الدور و يفوز
فنظرت إليه أفكر
لماذا لم يرد إلى ذهنى تلك الحركة؟
لماذا قادنى تفكيرى إلى حركتى البسيطة؟
لماذا تعجلت فى التفكير
لقد أعتدنا من أباءنا التأنى فى التفكير
وأخذ الأمور بهدوء وسلاسة
فلم يكن أباءنا فى قمة العصبية والسرعة التى نحن عليها الآن
ربما تكون التكنولوجيا والإنترنت هى سبب السرعة فى الحياة
ربما تكون ضغوط الحياة ومشاكلها
ولكن كل هذا يعود بنا إلى سؤالا يطرح نفسه
لماذا أصبحنا نريد كل شيء بسرعة شديدة ولا نعطى لأنفسنا فرصة للتفكير فى الخطوات القادمة فى حياتنا
لماذا أصبحنا نتبع مبدأ التواكل فى معظم الأمور ولا نتوجه لمبدأ التوكل
لماذا أختلفنا عن أباءنا فى طريقة تفكيرنا
للأسف ليس عندى إجابة لأنى من أبناء هذا الجيل ! بس خلاص

10/24/2009

اللهم لا تجعل الدنيا أكبر همنا

لطالما قيل أن الزمن يداوى الجراح

ولطالما صدقت أن الزمن يداوى الجراح

ولكن متى يستطيع الزمن أن يخفى آثار تلك الجراح؟

ومتى سيزيل الندبات التى تركتها تلك الجراح؟


لا أنكر مدى هذا الألم ,, ومدى الوجع والعذاب

ولن أنكر انه كان جرح عمرى ومهما كان ما حدث لم أكن سأتعلم بدون هذا الجرح

ولكنه أكبر من قدرتى على الإحتمال

فبمرور الوقت لا يزول الألم .. بل يزيد

ويزيد معه الإحساس بالضعف والغربة والقسوة على النفس والرغبة فى ترك تلك الحياه برمتها

فأذهب بحثا عن أى أمل فى الحياة فأفكر فى حلمى

أجد الألم قد تمكن منه ولم يعد هناك أمل فى ان اتمسك به

فأجول الشوارع بحثا عن رغبة فى الوجود

فأجد ذكرياتى بكل شوارع المدينة

هنا كنا نجلس ,, وهنا كنا نسير

هناك ضحكت معه ,, وهنا سقطت دموعى

وفى هذا المكان انتظرته ,, وبهذا الشارع انتظرنى

بكل مكان ذكريات ,, ولكنها ذكريات أصابها الألم

ففسدت ذكرياتى مع الأحلام


وأكتشف ما مضى من عمرى ,, و زهرة أيامى

فأجد انى أضعت عمرى فى زيف تملك منه الألم

فلا أجد لنفسى هدف

ولا أجد معنى

وأسأل نفسى لماذا لم يترك لى حلمى ,, ولماذا دمر حياتى

لقد كنت دنياه وكان هو كيانى

لماذا تركنى بدون كيان وحدود

بل لماذا دخل حياتى ودمرها

فما أستطعت أن اكون بدونه , وما أستطعت أن أعود كما كنت

ولا أستطيع أن أجد لنفسى حلم آخر بعد أن أخذ احلامى ,, بل لم تعد لدى القدرة على الحلم

فأسعى لأن أهرب ولا أفكر وأقنع نفسى ان الزمن يداوى ولكنه لابد ان يترك ندبات للجراح حتى نتذكر ونتعلم

وأذهب لربى أناجيه


يارب يا مجيب الدعوات اللهم أستجب لى اللهم أعف عنى وتب على وأرحمنى

اللهم قنى شر نفسى ربى يا مالك الرحمة أدخل السكينة إلى قلبى وأرحمنى من آلامى

لقد عصيتك وانت غفور فأغفر لى

إنى تبت إليك وانت التواب فتب على

ربى لا تجعل أكبر همى الدنيا واملأنى قوة ورغبة فى الحياة

اللهم أعطنى القدرة على العطاء والبقاء وإحتمال الألم والشقاء

يا همى إن ربى كبير وقادر فقد خلق السماوات و الأرض

فقد خلقنى وزرع فى روحاٴ تناجيه

وهو الذى يملك القدرة على ان يزيلك من داخلى

اللهم أزل عنى همى

اللهم فك كربى


فيعود إحساسى بالحياة والأمل

وتعود رغبتى فى البقاء

وأقنع نفسى انها فترة وستمضى

ولابد أن اجد لنفسى حلماٴ فى يوماٴ ما

لقد خلق لى ربى عقل وقلب

سأصنع لنفسى حياة وكيان بدونه

حياة تكون حياتى أنا وكيان يكون كيانى أنا


وتمضى بى الأيام

إلى ان تضعف نفسى البشرية

واتذكر الألم

ويخر جسدى وجعاٴ

وتبكى عيناى ألماٴ

ولا أعرف دواءاٴ

وأسال ربى أين أنا من تلك الحياة؟؟


وهكذا أصبحت حياتى فى بعض اللحظات

معظم الوقت يملأنى الشعور بالحياة و برضا من الله

ولكنى نفس بشرية لابد ان يتخلل إليها الشيطان

فيشعرها بهم الدنيا حتى لا تشغل بالها برضا الله وطاعته


اللهم لا تجعل الدنيا أكبر همنا


10/09/2009

مبدأ اللغة


وصلنى الكثير من التعليقات على ما نشر فى مدونتى الصغيرة
منها ما ظهر ومنها ما لم يظهر
ورغم الكثير من التعليقات إلا ان هناك تعليق واحد فقط أثار رغبتى فى الكتابة عنه
فى موضوع بكاء الفرح .. أنهيت الموضوع بكلمة زمن ملعون
فجائتنى معلومة انه محرم أن اقول زمن ملعون
فقمت بتبديلها إلى

زمن مجنون

وياله من ذكاء فبدلا من ملعون مجنون (جيت أكحلها عميتها

فحدثنى صاحب التعليق موضحا مدى الخطأ

بداية قمت بتبديل الكلمة تماما
ثانيا بدأت أفكر فيما تعلمته وأنا صغيرة من درس الفلسفة
عندما علمت مبدا اللغة

وهى اننا نعتقد اننا متحكمين فى اللغة
ونسينا ان اللغة هى التى تتحكم بنا

فبمرور الوقت بعد ان نعتقد اننا سيطرنا على انفسنا وطريقتنا فى الحديث
نكتشف ان اللغة هى التى سيطرت علينا
ونجد صعوبة شديدة فى التتخلص منها

فمثلما كتيت زمن ملعون او مجنون .. انها إحدى الألفاظ التى أعتدنا على قولها
كألفاظ كثيرة تحكمت بنا
بصرف النظر عن صحتها من عدم صحتها إلا انها تحكمت بنا
وهو الأمر الذى يستدعى التفكير به

كيف يمكن للفظ ما ان يسيطر على طريقتى فى التحدث؟؟
لا شك أن هذا الأمر لا يخلو منه بشر

فأنا مثلا لا اتم جمله ما دون أن اقول - قشطة
ليست باللفظ السيئ او القبيح
ولكنها سيطرت على بدرجة تدعو إلى استفزاز من يسمعها
وليس بيدى ان اتوقف عن النطق بها
ولا أستطيع السيطرة عليها
فقد أصبحت شئ عفوى مع الكلام

كثير من الالفاظ سيطرت علينا
ولا نسطيع التخلص منها
ولا يوجد حل لهذا

فهذا مبدأ اللغة


10/08/2009

مدرسة الحب - نزار قبانى


علمني حبك أن أحزن وأنا محتاج منذ عصور
لامرأة تجعلني أحزن
لامرأة أبكي فوق ذراعيها مثل العصفور
لأمرأة تجمع أجزائي كشظايا البلور المكسور

علمني حبك سيدتي أسوء عادات
علمني أفتح فنجاني في الليلة آلآف المرات
واجرب طب العطارين وأطرق بابا العرافات
علمني أخرج من بيتي لأمشط أرصفة الطرقات
و أطارد وجهك في الأمطار وفي أضواء السيارات
وألملم من عينيك ملايين النجمات
يا امرأة دوخت الدنيا يا وجعي يا وجع النايات

أدخلني حبكِ يا سيدتي مدن الأحزان
وأنا من قبلكِ لم أدخل مدن الأحزان
لم أعرف أبداً أن الدمع هو الإنسان
أن الإنسان بلا حزن ذكرى إنسان

علمني حبكِ أن أتصرف كالصبيان
أن أرسم وجهك بالطبشور على الحيطان
يا امرأة قلبت تاريخي
إني مذبوح فيكِ من الشريان إلى الشريان
علمني حبك كيف الحب يغير خارطة الأزمان
علمني أني حين أحب تكف الأرض عن الدوران
علمني حبكِ أشياء ما كانت أبداً في الحسبان

فقرأت أقاصيص الأطفال دخلت قصور ملوك الجان
وحلمت بأن تتزوجني بنت السلطان
تلك العيناها أصفى من ماء الخلجان
تلك الشفتاها أشهى من زهر الرمان
وحلمت بأني أخطفها مثل الفرسان
و حلمت بأني أهديها أطواق اللؤلؤ والمرجان

علمني حبك يا سيدتي ما لهذيان
علمني كيف يمر العمر ولا تأتي بنت السلطان

نـــزار قبــانــي

10/05/2009

بكاء الفرح

أخيرا ... أخيرا يا أغلى الأحباب

بكرة هينكتب الكتاب

وبعد يومين يتقفل علينا الباب

ونعيش ف تبات ونبات .. ونخلف صبيان وبنات

أخيرا يا حبيبتى بعد سنين الحب والخطوبة
والتعب والشقى والبهدله

المأذون وصل يالا يا حبايب
مبروك مبروك ألف مبروك
عقبالكوا كلكم

ألف مبروك يا عروسة
ألف مبروك يا عريس

جاهز يا مولانا ,,, جاهز يا أستاذ فين الشهود

أستنى

أستنى شوية من فضلك
أيه يا عريس إحنا مش هنمضى القايمة ولا أيه

قايمة ؟! قايمة أيه إحنا متفقناش على حاجة زى كده يا عمى

ده عرف يا ابنى دى حاجة أساسية منغير كلام


ايوا بس ... بس أيه

يلا يلا بلاش نضيع وقت

ويلاقى صاحبنا القايمة ب 100 ألف جنيه

ايه ده يا عمى إحنا مجبناش حاجات بكده ولا ده ولا ده وايه ده ده سعره مش كده


يا أبنى دى شكليات , أنت عايز الناس تقول علينا أيه


بس كده مش تمام انت بتبيع بنتك ولا بتشترى راجل


أنا بضمن حق بنتى ... حق بنتك

طب شوف بقى مين اللى هيدفع أكتر ف بنتك


وأنطفى النور والأضواء أختفت وأتقلب الفرح لبكاء ونواح
والبنت تبكى على عمرها اللى ضاع
وسنين مضت ف تعب وشقاء
والولد يجرى للهوى اللى بيتباع
يمكن فيه يلاقى لحالته الدواء
والأم نفسها كانت تزور بنتها منورة بيتها زى شمس الصباح
وأهل العريس يالا مع السلامة دول مقدروش تعبك والشقاء
والناس يقولوا سبها قبل الفرح بيوم
ومحدش عليه يقدر يلوم


من أمتى البنت كان تمنها شوية خشب
ومن أمتى الرجل كان بيتقدر بشوية خشب
يا زمن لييه العجب
ايه يضمن لأبوها انه يحافظ عليها
يا ترى شوية الخشب هيحميها
ده ممكن بعد كده يعذبها ويذلها
وبمنتهى البساطة يقولها
زى ما عملته فيا قبل الجواز هطلعه عليكى
وبعدها تبريه من كل حاجة لأجل ما تخلص من عذابها


وهو ايه شكله ف عنيها
لما تبقى كسراه بورقة ف أديها
ويوم بعد يوم يحايل فيها
لحد ما يوم تضيق الدنيا من حواليه وحواليها
وتبريه من كل حاجه وتمشى
أو يسبلها كل حاجة ويمشى


عجبى عليك يازمن

لما كانت الست ف بيت جوزها متصانه

ويوم مايرجع لها بعد سفر فرحانه

ويغيب عنها من الوحدة تعبانه

وكان الرجل لمراته وبيته أسد زنهار

سواء موجود أو بره الدار

مش بس ليل ونهار



هما الأتنين حياه وكيان ووجود

هما الأتنين حلم وألم وحدود

هما الأتنين بس الأتنين



يا ناس يا عالم يا مؤمنين
الدنيا صعبة على كل البنات والبنين
أفتحوا قلوبكم بالحنين
وساعدوا كل محتاج للعون
ده ضيق أوى من حوالينا الكون

أشترى راجل يحافظ ويصون
وأشترى واحده على بيتك وعيالك أمينة تكون

ده إحنا فى زمن ربى أعلم به
محدش بيعرف فيه أخوه من عدوه


الحمد لله الذى خلقنا مؤمنين

10/03/2009

تنورة الحياة


تنورة الحياة

التنورة رقصة من أشهر رقصات الفلكلور المصرى
أشتهرت بيها مصر من زمان أوى وعلى حد معلوماتى من أيام الدولة الفاطمية
من زمان كانت بتبهرنى الرقصة اوى
الراجل اللى بيقعد يلف كتيير كتيير كتيير من
غير ما يدوخ ولا يقع
وف مرة من كام سنة حضرت خطوبة واحدة صحبتى
ولأول مرة كنت أشوف التنورة من قريب , وكمان ف زفة عروسة
عجبتنى اوى الألوان والحركات وأما يرفع التنورة ويعمل فانوس و يخلع واحدة ويعمله طفل صغير
حاجة جميلة اوى قد أيه إحنا شعب فنان عمل من شكوكو تمثال كان بيتباع ف العالم كله وعمل من شوية ألوان حياه تانيه حياه مختلفة اوى

محمد الشهير ب الروبى
من ابرع الناس رقصا للتنورة
عمره 23 سنة وابتدى يرقص من سنتين
دلوقتى هو أحد أعضاء فرقة رضا

شفته بيرقص اتجننت

ايه ده مفتاح الحياه بترسمه شوية ألوان
وطفل صغير ف أحضانه بينام

وشوية فانوس بيضوى بأحلى الألوان

وكمان شويه دنيا من الأشجان
وبعدها فرحة الوعى بعد النسيان
حالات غريبة بترسمها حتتة قماشة ملون
ه
ودنيا تانية بيتحكم فيها مجنون مبدع وفنان


سألته أشمعنى التنورة
قالى حبتها

قلتله يعنى ايه قالى لما برقص بحس انى ف دنيا تانيه
بحس انى ف علاقة روحانية بحس كل حركة بعملها
ببكى وبضحك برقص وأغنى بفرح وأحزن

ممكن ترقص لحد قد ايه وقت
ممكن أرقص ساعة متواصل
بتكسب قد المجهود اللى بتعمله
لو مسألة فلوس كنت بطلت الرقص من زمان

الدخل الكويس مش بيجى غير من سفريات برة مصر

بتسافر برة مصر عشان ترقص تنورة !! بس

هو فى حد ممكن يسافر علشان يرقص
التنورة فن بيجنن العالم كله ومش موجود غير فى مصر
وحكالى على سفر
ه لإيطاليا كانت حفله فيها أربعين تنورة

سهل أنى أتعلم تنورة
مش صعب بس لازم يكون عندك قوة إراده

يعنى أيه ؟؟

يعنى أول حاجة عشان تعرفى تسيطرى على موضوع الدوخة والإتزان
محتاجة وقت من شهر لشهر ونص يوميا تدريبات على الدوران بس منغير اى حركات

وبعدها الحركات بتيجى بالتدريب

بكام بدلة التنورة أو زى ما بيقولوا العدة

قالى العده محدش بيعملها ف القاهرة كلها غير واحد بس أسمه عم حكيم ف حلوان
هو الوحيد اللى بيفصلها ف القاهرة
وسعرها على حسب من 700 جنية لحد 3000 جنيه

طب ايه اصعب حاجة ممكن تضايق
ك وانت بترقص
قالى لو أنا لابس عدتين فوق بعض بتعب أوى لأنها بتضغط على الكلى

طب الأحسن انك ترقص ف مكان ضيق ولا مكان واسع
قالى الأتنين تحدى ف المكان الواسع أنا لازم أملى ا
لمكان حواليا

اما المكان الضيق فأنا لازم أتحكم كويس ف حركاتى ومستوى الدوران

وفرجنى الروبى على فيديو عمرى ما كنت أتخيل ان التنورة ممكن تعمل كده

كان بيرقص على


مش باقى منى غير شوية ضى فى عينيا ، انا حاديهوملك و امشى بصبرى فى الملكوت
يمكن فى نورهم تلمحى خطوة تفرق معاكى بين الحياة و الموت

مش باقى منى غير شوية قوة فى ردى حسبى عليهم و انتى بتخطى
مش باقى منى غير شوية ضى فى عينيا انا مش عايزهم ، لو كنت يوم حألمحك و انتى بتوطى

بتبوسى ايد الزمن ينولك لقمة ، من حقك المشروع
مش باقى منى غير شرقة فى نفس مقطوع
يا حلمنا الموجوع


وباقى الأغنية معروف

التنورة كانت بتمثل الدم والألم والأمل واللهفة على لقمة العيش
كنت تبكى وهى تنظر إلى الله تطلب منه الرحم
ة
وتفرح حين ترى الامل فى دورانها
وتسأل من حولها الرحمة من عذاب السم
وتتمنى تبقى شهيده من الهم
وتترفع التنورة بشوية الألوان تعملك مفتاح الحياه لأج
ل ما نورها يبان


وتديلك شوية أمل تكمل بيهم الحياه

آه يا شوية ألوان ومبدع وفنان





معلش صورة الفيديو مش حلوة صعب تتحمل




10/01/2009

خلى الناس تحب




النهاردة صدفة وقعت تحت أيدى أغنية خلى الناس تحب بتاعت يسرا
كنت من كتييير اوى مسمعتهاش


حب خلى الناس تحب روح للناس يا حب
الحب ما لينا غيره والله ما لينا غيره
يدفينا ينسينا يمحى الحزن بينا
نلقى الخير سفينة تعدى بينا ترسى بينا لبر حب

حاجة جميلة اوى ان الواحد يحس ان هو بيحب الناس والناس اللى حواليه بيحبوه

وسألت نفسى ليه ربنا خلق حاجة اسمها الحب
رغم ان الحب ده اوقات كتيرة اوى بيتعب الناس وبيكون السبب ف مشاكل كتير اوى

ولقيت ان إجابة السؤال واضحة اوى

ربنا خلق نعمة الحب عشان يعرفنا يعنى ايه خصام ويعنى ايه تسامح
يعنى ايه رحمة ويعنى ايه ألم
يعنى ايه مغفرة ويعنى ايه قسوة
يعنى ايه ود ويعنى ايه صلة رحم
يعنى ايه رأفة
علشان نعرف ازاى نحب ربنا علشان يحبنا
ازاى نحس بقيمة رحمة ربنا لما نرحم الناس حوالينا
ازاى نحس بقيمة العفو والغفران لما نعفو ونغفر للى حوالينا
ازاى نحس بقيمة التسامح
علشان ربنا يسامحنا ويغفر لنا ويعفو عنا ويرحمنا
علشان هو بيحبنا

ازاى نحب ربنا
نحب نقابله
نحب نحس القرآن وإحنا بنقراه
نحب نعمل كل حاجة تخليه يحبنا

أكتشفت أن الحب ده من أجمل نعم ربنا علينا

لو كلنا حبينا بعض
الدنيا هتبقى حلوة اوى من حوالينا
ليه كل واحد ميفكرش ف انه يجرب فترة يعيش يحب كل اللى حواليه
حتى الناس اللى مضايقينه او مش بيحبهم
بس يجرب فترة من الوقت ويشوف بعدها هيحصل ايه

ده نعمة حلوة اوى يارب ديمها علينا