الصدفة اللى مبتمنهاش

الصدفة اللى مبتمنهاش

مشتاقة لصدفة مبتمناش تيجى

صدفة أشوفك و ألمس كفوفك

صدفة أخاف تحصل

ملاقيش رجفة قلبى فى لمسة أديك

مشتاقة لصدفة مبتمناش تيجى

صدفة ألاقى فيها عينيك

صدفة أخاف تحصل

ملاقيش ملامحى فى نظرتك

مشتاقة أوى للصدفة 

و بهرب من أى مكان كان جامعنا يوم

 لأشوفك صدفة

أخاف على نفسى منك 

أخاف تكون أتغيرت

ما أكيد لازم تكون أتغيرت

ما أنا كمان أتغيرت

مين فينا مبيتغيرش

أخاف ألاقيك غير ما افترقنا

أخاف ألاقى قلبك قوى

وملاقيش رعشة إيدى لما أسلم عليك

صدفة بشتاق ليها 

ومبتمناهاش