قبل ما أوصلك

 بشوفك لما السما تصفالي

كتير عليا الحزن اللي في قلبي

دا لو ترضالي

مادد ايديا ومش طايل وبصالي

مفيش فيا شئ جميل زيك

فصعب تختاري

لما تحزني بتداري الغيوم خدك

بس انا الوحيد اللي عارف

إن المطر دمعك

آه لو بس اقدر الليلة اكون جنبك

بس حتى لو قدرت اقرب هتحرق

من ضيك قبل ما وصلك

وبسأل نفسي ألف سؤال

هنرجع تاني ولا محال

عشقك مني ليه يتشال

وليه سايباني في أصعب حال

بشوفك ليه في كل مكان

كإن مبينا ألف معاد

ولو تفصل ما بينا بلاد

هسيب روحي تكون سابقاك

غمضت عيني وسيبت ايدي

للهوا يمشيني

حاولت بعدك اعيش

ولا حاجة بتنسيني

كل الشوارع مشتاقين

ويشهد عليا حنيني

ولما شوفت عينيك

ما قدرتش امسك عيني

أنا ما اختارتش اللي انا فيه

ولا عملت حسابه

قلبي سألني غايب ليه

وروحي واقفه على بابه

لا مني نسيت ولا مليت

ولا قلبي قد عذابه

واحشني وقولي اعمل ايه

وفين ألاقيك

ودا الحلم اللي محلمتوش

يعدي اليوم وانا ما شوفهوش

بيوحشني وما بوحشهوش

دا كلام كان نفسي ما قولهوش

وكنت العاصي في شريعتي

مع اني شاري لو بيعتي

وفاتح قلبي لو ضيعتي

دا عشمان فيك فمتردوش