قصة أول كل حاجة

قصة أول كل حاجة
أول نظرة الى تخليك تسافر لحتة تانية
أول همسه اللى تدوب معاها
أول إحساس بالدفا منغير غطا
أول لمسة اللى بتخطف روحك
أول تنازل
أول إشارة من الخطوط الحمرا إنها تبقى خضرا
أول رجفة قلب
أول لمحة
أول ضحكة تحس معاها بالدنيا كلها
أول دمعة توجعك أوى
أول ألم
أول لحظة وجع
أول إحساس بالإشتياق
قصة أول كل حاجة
اللى عمرها ما بتكمل
دايماً بتبقى أول الحاجة
عمر ما بيبقى ليها بقية
هى بس بتبتدى
وبعدها
نقول كانت قصة أول كل حاجة
اللى عمرها ما بتتنسى
أياً كان شكل نهايتها
بس عمرك ما بتقدر تنسى الإحساس
بأول كل حاجة
وعمرك ما بتنسى الشخص اللى كان السبب
فى أول كل حاجة